Dumelang!
Lebelela matlakala a go fapana (mo go letlakala la 5 go fihla go la 10)!
Kgetha MMALA wo o o ratago kudu gomme o ngwale leina la gago mo godimo ga mmala wo o o ratago!
Sepelasepela ka mo gare ga pontšo ye gomme o HUMANE seswantšho se o se bonago mo go letlakala la 12! A o humane seswantšho? O bona MEBALA ye mekae? A na seswantšho se se na le SEBOPEGO se se bjang?
Mošomo wo o dirilwe mo dikarolong tša go fapana. Go na le diripana tše kae ge o di bala ? O kgopelwa gore o tšea dikgomaretši gomme o di BEAKANYE ka mokgwa wo o ratago mo letlakaleng la 22! Itlhamele mošomo wo e lego wa gago wa bokgabo!
A go na le dibopego tše o phelago o di bona ka mehla mo bophelong bja gago tšeo e lego gore o di bone mo pontšhong ye? A o ka di thala?
A o bone sekwere se se dirilwego ka MAFOFA? A o humana seripana ? Ke nonyana? Aowa? Leru? Toro ? E ka ba dilo tše ntš… O NAGANA ENG?
Ge e ba mošomo wo wa bokgabo o ka kgona go dira MODUMO, e ka ba modumo wa mohuta mang? E ka ba modumo wa godimo goba wa tlase? Goba go ka se be le modumo le gatee? A ka leka go dira modumo woo?
Bjale o reng ka seswantšho se? A o ka nagana gore ke mmino wa mohuta mang wo o ka se dirang? A o ka BINELA mmino woo gona fa?
Yo ke Mbongeni. Ga a šome ka dipente, diphensele, mašela goba mafofa. O kgoboketša mekotlana ya POLASTIKI gomme a di iša lefelong la gagwe la mmino. Fao o dira sebopego sa gagwe ka mekotlana ya dipolastiki ya go lokologana. A o ka HLALOSO mošomo wo wa bokgabo? O bona eng?
A o ka gopola ka ga DIMETERIALE tše dingwe tšeo o ka di humanago ka gae, mebileng goba sekolong? Ke efe? A o HUMANA ye mengwe ya DIMETERIALE tše mo pontšhong ye? O kgopelwa gore o ngwale se o se humanego!
Sepelasepela gomme o lebelele mešomo ka moka ya bokgabo. Kgetha seripana se o se ratago mo pontšhong ye! Dira SETHALWA gore o tle o kgone go bontša ba lapa la gago le bagwera kua gae!
Mošomo wa bokgabo wo o sa tšwago go o thala o na le mmala le sebopego, gape o dirilwe ka meteriale wo o itšeng. A o ka ngwala gore mošomo wo o dirilwe ka MMALA, SEBOPEGO LE METERIALE tša mohuta mang?
Legato la B la Puku ya Thuto
Potšišo
O bona eng ? Go na le phapano ge o lebelela seswantšho ge e le kgole le ge o le kgauswi?
Potšišo
Lebelela mošomo wo ntle le go bala thaetlele! A o ka nagana THAETLELE ye o ka e fago mošomo wo wa bokgabo?
Bjale lebelela thaetlele. A se se fetola se sengwe/ A o bona goba o nagana se sengwe sa go fapana le peleng/
Potšišo
A o ka humana mošomo wa bokgabo ka mo musiamong wo o swanago le diswantšho tše pedi tše o sa tšwago go di bona?
Potšišo
A o humane sebopego se sa TEKANYO-THARO ?
Potšišo
Phapano ke eng magareng ga SESWANTšHO se se lego mo matlakaleng (matlakala a mabedi a serolwane a go ba le difapano) le MOšOMO WA TLHAGO wa bokgabo wo o lego mo pele ga gago?
Potšišo
Bapetša sebopego se se serolwane le seswantšho se seso.
Potšišo
Lebelela mešomo ye mebedi ya bokgabo gomme o bolele ka SEKGOBA.
Potšišo
Nyaka Mercedes wo moso le wo mošweu ka mo musiamong!
Potšišo
Mokgabiši o lebeletše dikoloi go tšwa kae?
Potšišo
A o bona sebopego sa SENAGANWA se se tala sa tekanyo-tharo se se lego kgauswi le dikoloi?
Seswantšho : (dinyakwa tše di swanetšego go ba gona mo letlakaleng le le latelago la potšišo, gore bana ba tle ba kgone go lebelela sebopego pele ka musiamong gomme ba se bone seswantšho se se lego kgauswi le potšišo)
Potšišo
O kgopelwa gore o leke go thala sebopego se go ya ka PONO YA LEIHLO LA SEBOKO.
Potšišo
Lebelela mošomo wo wa bokgabo.
Potšišo
Seswantšho se bontšha ngwako go ya ka PONO YA LEIHLO LA NONYANA . O kgopelwa gore o thale POLANE YA LEBATO la phapuši ya gago ya borutelo ye e nago le difenešara ka moka gomme o diriše pono ya leihlo la nonyana.
Kanegelo ye nnyane ka ga mokgabiši:
Se ke seswantšho se se dirilwego ke Zwelethu Mthethwa yo a dulago Toropongkgolo ya Kapa. Mo diprotšekeng tša gagwe tša bokgabo, o etela batho gore a kgone go tšea diswantšho tša magae a bona. Hlalosa phapuši ye o e bonago.
Potšišo:
Polane ya lebato la mokgabiši wa leJapane, seswantšho sa Zwelethu Mthethwa le sethalwa sa David Koloane di tšweletša dipono tše tharo tša go fapana go tšwa go PONEGO tše tharo tša go fapana.
O kgopelwa gore o thale sethalwa sa ntlo ya geno go ya ka diponego tša go fapana: ge o patlame mo lebatong, ge o nametše godimo ga setulo, ge o le ka gare le ge o le ka ntle.
